নিজ কন্যাৰ নগ্ন ফটো প্ৰেৰণ কৰি কিশোৰক যৌন উৎসাহ! ৩৫ বছৰৰ কাৰাদণ্ড মহিলাক

প্ৰযুক্তিৰ উন্নতিৰ এই যুগত ডিজিটেল মিডিয়াৰ সময়ত এটা ক্লিকতে হাতৰ মুঠিতে পোৱা যায় সমগ্ৰ বিশ্ব। কিন্তু প্ৰযুক্তিৰ উন্নতিৰ লগতে কিছুক্ষেত্ৰত দেখা গৈছে অৱনিতও। এনে এক ধটনাই হতবাক কৰি তুলিছে সকলোকে। ১৬ বছৰ বয়সীয়া কিশোৰক পৰ্ণগ্ৰাফী ভিডিঅ’ বনাবলৈ উৎসাহ আৰু তেওঁক আত্মহত্যাৰ উচতনি দিয়াৰ অভিযোগ উঠিছে এগৰাকী মহিলাৰ বিৰুদ্ধে। ইমানেই নহয়, নিজ কন্যাৰ নগ্ন ফটো প্ৰেৰণ কৰি কিশোৰজনক যৌনকৰ্মত উৎসাহ দিছিল মহিলাগৰাকীয়ে।

১১ জানুৱাৰীত পেনছিলভেনিয়া আদালতে মহিলাগৰাকীক ৩৫ বছৰৰ জে’ল ঘোষণা কৰে। ৪৫ বছৰীয়া লিণ্ডা পাওলিনি এগৰাকী বিকৃত মানসিকতাৰ ব্যক্তি। কন্যাৰ সৈতে পেনছিলভেনিয়াৰ এক স্থান থাকে। কিছুদিন পূৰ্বে ইনষ্টাগ্ৰাম প্লেটফৰ্মত সেই কিশোৰজনৰ সৈতে পৰিচয় হৈছিল লিণ্ডাৰ। নিজৰ পৰিচয় গোপনে ৰাখি কন্যাৰ ফটো দি বন্ধুত্ব কৰিছিল মহিলাগৰাকীয়ে। তাৰ পিছতে কিশোৰটিক অশ্লীল ফটো–ভিডিঅ’ প্ৰেৰণ কৰিবলৈ বাধ্য কৰায়। ইমানেই নহয়, নিজ কন্যাৰ নগ্ন ফটোও কিশোৰজনলৈ পঠিয়াইছিল লিণ্ডাই।

আৰক্ষীৰ তদন্তত পোহৰলৈ আহিছে যে দুয়োৰে মাজত কিছু মাহ ধৰি কথা–বাৰ্তা চলিছিল। প্ৰায় ৫০ হাজাৰ মেছেজ আদান–প্ৰদান হৈছিল। তাৰ পিছত কিশোৰজন লিণ্ডাৰ প্ৰতি অধিক আকৰ্ষিত হয়। কিশোৰটিলৈ ভিডিঅ’ কল কৰিছিল যদিও নিজৰ মুখ দেখুওৱা নাছিল মহিলাগৰাকীয়ে। তাৰ পিছত কিশোৰটিক আত্মহত্যাৰ বাবে প্ৰৰোচিত কৰিছিল। আৰক্ষীৰ তদন্তত ওলাই পৰে যে মহিলাগৰাকীয়ে কেৱল সেই কিশোৰজনৰে সৈতেই নহয়, আন দুই কিশোৰৰ সৈতেও একেই আচৰণ কৰিছিল। আদালতত হাজিৰ কৰাৰ পিছত লিণ্ডাই নিজৰ দোষ স্বীকাৰ কৰে। ৩৫ বছৰৰ কাৰাদণ্ডসহ ১৫ হাজাৰ ডলাৰ জৰিমনা বিহা হৈছে মহিলাগৰাকীক।