কোৰোণাৰ বিৰুদ্ধে যুঁজত আগবাঢ়ি আহিছে ‘বাহুবলী’, সহায়ৰ বাবে ৪ কোটি টকা দান অভিনেতা প্ৰভাসৰ

কোৰোণা ভাইৰাছৰ বিৰুদ্ধে যুঁজিবলৈ দেশজুৰি এতিয়া লকডাউন। ২১ দিনৰ এই লকডাউন আৰু এই ভয়ংকৰ ৰোগৰ পৰা পৰিত্ৰাণ পাবলৈ চৰকাৰে চেষ্টা অব্যাহত ৰাখিছে। ২১ দিনলৈ জনসাধাৰণক ঘৰৰ পৰা বাহিৰলৈ নোলাবলৈ পৰামৰ্শ দিয়া হৈছে। কিন্তু এয়াও সত্য যে লকডাউনৰ ফলত দেশৰ আৰ্থিক অৱস্থাত বহু পৰিমাণে প্ৰভাৱ পৰিব। কোৰোণা ভাইৰাছৰ বিৰুদ্ধে যুঁজাৰ বাবে আগবাঢ়ি আহিছে ছবি জগতৰ একাংশ তাৰকা।

পৱন কল্যাণ. চিৰঞ্জীৱী, ৰজনীকান্ত আৰু নীতিনৰ দৰে তাৰকাই ছচিয়েল মিডিয়াত আৰ্থিক সাহায্য আগবঢ়োৱাৰ ঘোষণা কৰিছে। একাংশ দাক্ষিণাত্যৰ তাৰকাই অন্ধ্ৰ প্ৰদেশ আৰু তেলেংগানাৰ মুখ্যমন্ত্ৰীৰ সাহায্য পুঁজিলৈ ধন আগবঢ়াইছে। ‘বাহুবলী’খ্যাত অভিনেতা তেলেগু তাৰকা প্ৰভাসেও কোৰোণা মহামাৰীৰ বিৰুদ্ধে যুঁজাৰ বাবে আগবঢ়াইছে ৪ কোটি টকা। প্ৰভাসে বৃহস্পতিবাৰে ৩ কোটি টকা প্ৰধানমন্ত্ৰী ৰাষ্ট্রীয় সাহায্য কোষলৈ আৰু ৫০–৫০ লাখ টকা অন্ধ্ৰ প্ৰদেশ আৰু তেলেংগানাৰ মুখ্যমন্ত্ৰী সাহায্য পুঁজিলৈ আগবঢ়ায়।