সাৱধান! কোৰোণা ভাইৰাছক লৈ ওলোৱা এই অডিঅ’ মেছেজ শ্বেয়াৰ নকৰিব, হ’ব পাৰে কঠোৰ ব্যৱস্থা

কোৰোণা ভাইৰাছক লৈ বিশ্বজুৰি এতিয়া ত্ৰাস। এতিয়ালৈকে ২১ হাজাৰৰো অধিক লোকৰ মৃত্যু হৈছে এই ভাইৰাছৰ কবলত। প্ৰতিদিনে বৃদ্ধি পাইছে আক্ৰান্তৰ সংখ্যা। ভাৰতত এতিয়ালৈ ১৬জন লোকৰ মৃত্যু হৈছে। ইয়াৰ মাজতে ছচিয়েল মিডিয়াত একাংশ লোকে শ্বেয়াৰ কৰিছে বিভিন্ন ফেক মেছেজ। এই মেছেজৰ জৰিয়তে মানুহক ভয় খুওৱাৰ চেষ্টা কৰা হৈছে।

বৰ্তমান ছচিয়েল মিডিয়াত এটা অডিঅ’ ক্লিপ ভাইৰেল কৰা হৈছে, য’ত দাবী কৰা হৈছে যে নাগপুৰত এতিয়ালৈকে ৫৯জন কোৰোণা ভাইৰাছৰ চিকাৰ হৈছে। চৰকাৰে এই মেছেজটো ভুৱা আখ্যা দিছে।

প্ৰায় ৪ মিনিট ৫২ ছেকেণ্ডৰ অডিঅ’ ক্লিপটোত দুজন লোকৰ মাজত হোৱা কথোপকথন শুনা গৈছে। ক্লিপটোত কোৱা হৈছে যে কেইবাজনো চিকিৎসকো এই ভাইৰাছৰ বলি হৈছে। কিন্তু এই বাৰ্তালাপৰ ক্লিপটো চৰকাৰে ভুৱা আখ্যা দিছে। অৰ্থাৎ মেছেজটো সম্পূৰ্ণৰূপে ভুৱা।

An audio clip is circulating on social media claiming that Nagpur has tested 59 positive coronavirus cases including 3 doctors

The assertion made in the audio is #FAKE.

Please DO NOT forward such fake audio clips. pic.twitter.com/u29ROXWaf0

— PIB Fact Check (@PIBFactCheck) March 26, 2020

কোৰোণাৰ ত্ৰাসৰ মাজতে এনেধৰণৰ ভুৱা মেছেজ শ্বেয়াৰ কৰাৰ পৰা বিৰত থাকক। অন্যথা আপোনাৰ ওপৰতো হ’ব পাৰে আইনী ব্যৱস্থা।