সোণ কিনিব খুজিছে যদি আজি সোণালী সুযোগ, ১১ হাজাৰ টকালৈকে হ্ৰাস হ’ল সোণৰ মূল্য

সোণ কিনিব বিচৰাসকলৰ বাবে সুখবৰ। দৈনিক হ্ৰাস পাইছে সোণৰ মুল্য। বিয়াৰ বতৰৰ সময়ছোৱাত সোণ নিৰন্তৰ সস্তা হৈ আছে। সোণৰ মূল্য (২৪ কেৰেট) এই বছৰৰ ১ জানুৱাৰীৰ তুলনাত ৯.৮৯ শতাংশ অৰ্থাৎ ৪,৯৬৩ টকা হ্ৰাস হৈছে। ভাৰতত সোণৰ মূল্য আজি ১০ মাহৰ নিম্নলৈ হ্ৰাস পাইছে।

আজি, মাল্টি কমোডিটি এক্সচেঞ্জত সোণৰ ভৱিষ্যত প্ৰতি ১০ গ্ৰামত ৪৫,৫০০ত ব্যৱসায় কৰি আছিল। বিগত সাত দিনত ভিতৰত ষষ্ঠ বাৰলৈ ০.১১% হ্ৰাস পাইছে। ৰূপৰ মূল্য প্ৰতি কিলোগ্ৰামত ৬৯,২১৬ টকা হৈছে। সোণ বিগত ১০ মাহত প্ৰায় ১১,০০০ টকা সস্তা হৈছে। ২০২০ চনৰ আগষ্টত এই মূল্যৱান ধাতুবিধৰ মূল্য ৫৬,২০০ টকাৰ ৰেকৰ্ড স্তৰত উপনীত হৈছিল।

বুধবাৰে দিল্লীত প্ৰতি ১০ গ্ৰাম সোণৰ মূল্য ৪৫,৫০০ টকা হয়। এই মূল্য ১০ মাহৰ নিম্নতম স্তৰ। বিগত বাণিজ্য অধিৱেশনত দিল্লীত প্ৰতি ১০ গ্ৰামত সোণ ৪৪,৭৬০ টকাত বন্ধ হৈছিল। আন্তঃৰাষ্ট্ৰীয় বজাৰত, সোণৰ মূল্য ০.২% হ্ৰাস হৈ প্ৰতি আউঞ্চত ১,৭৩৪.১৬ ডলাৰ হৈছে।

অৱশ্যে বুধবাৰৰ দিনটোত ৰূপৰ মূল্যৰ গুৰুত্বপূৰ্ণ প্ৰভাৱ দেখা যোৱা নাই। দিল্লীত ৰূপৰ ভৱিষ্যত মূল্য প্ৰতি কেজিত ৬৯,২১৬ টকা আছিল। আগৰ বাণিজ্য অধিৱেশনত, ৰূপৰ মূল্য ১,৮৪৭ টকা হ্ৰাস হৈ প্ৰতি কেজিত ৬৭,০৭৩ টকাত বন্ধ হৈছিল। আজি আন্তঃৰাষ্ট্ৰীয় বজাৰত ৰূপৰ দাম  ০.৩% হ্ৰাস হৈ প্ৰতি আউঞ্চত ২৬.৬৭ ডলাৰ হয়।

এই বিষয়ে বিশেষজ্ঞই জনোৱা মতে, সোণে এতিয়া চাইডৱেত বাণিজ্য কৰি আছে। ইয়াৰ অৰ্থ হৈছে ইয়াৰ মূল্যত কোনো গুৰুত্বপূৰ্ণ পৰিৱৰ্তন দেখা নাযাব। মাল্টি কমোডিটি এক্সচেঞ্জত সোণ ৪৫,৬০০ৰ পৰা ৪৫,৮০০ৰ স্তৰত থাকিব পাৰে। কেডিয়া এডভাইজৰীৰ এম ডি অজয় কেদিয়াই কয় যে সোণ ৪৪,৫০০ৰ পৰা ৪৫,০০০ টকাৰ ভিতৰত সমৰ্থিত হ’ব। ইয়াৰ অৰ্থ হৈছে যে মূল্য ৪৫,০০০ টকাতকৈ হ্ৰাস হোৱাৰ সম্ভাৱনা নাই।

উল্লেখযোগ্য যে ঘৰুৱা বজাৰত সোণৰ এক শক্তিশালী চাহিদা আছে। বৰ্তমান সময়ত বিয়াৰ বতৰ চলি আছে আৰু মূল্য যথেষ্ট হ্ৰাস পাইছে। সেয়েহে চাহিদাৰ চাপ আৰু বৃদ্ধি পাব। সোণৰ মূল্য সোনকালে বৃদ্ধি হ’ব পাৰে। গতিকে সোণ ক্ৰয় কৰাৰ এইটো আটাইতকৈ সোণালী সময়।